გუმბათი
სასწავლო ცენტრი სოფელ გუმბათშისოციალური საწარმოს შექმნის ისტორია
ერთ-ერთი მთავარი მოტივაცია “გუმბათის” ჩამოყალიბებისა იყო სურვილი, ადგილობრივი ახალგაზრდებისთვის ხელმისაწვდომი გამხდარიყო ხარისხიანი განათლება. წალკის მუნიციპალიტეტის მცხოვრებთა დიდ ნაწილს წარმოადგენს 90-იან წლებში სვანეთსა და აჭარიდან გადმოსახლებული ეკომიგრანტები. წლების განმავლობაში ახალგადმოსახლებულებს უწევდათ ეკონომიკურ სიდუხჭირესთან ბრძოლა და დროთა განმავლობაში აუცილებელი გახდა განვითარებასა და ცხოვრების დონის გაუმჯობესებაზე ზრუნვა. გარდა ამისა, წალკა გამოირჩევა თავისი მრავალფეროვანი მოსახლეობით და “გუმბათის” დამფუძნებლებს სწორედ ის სურვილი ამოძრავებდათ, რომ გვერდიგვრდ მცხოვრებ მოსახლეობას ერთმანეთის გაცნობისა და დამეგობრების შესაძლებლობა ჰქონოდათ. ამ მოტივაციით, 2016 წელს შეიქმნა ფორმალური და არაფორმალური განათლების კერა “გუმბათი” სოფელი გუმბათისა და ზემო წალკის სხვა სოფლების მოსახლეობისთვის.
სოციალური საწარმოს მისია და მიზნები
“გუმბათის” მისიაა წალკის მუნიციპალიტეტის მრავალფეროვანი მოსახლეობის დაახლოვებისა და ინტეგრაციის ხელშეწყობა, ადგილობრივი მოსახლეობისთვის განათლების მიღების თანაბარი შესაძლებლობის უზრუნველყოფა და ამ გზით დასაქმების შესაძლებლობების გაზრდა.
სოციალური საწარმოს პროდუქცია/სერვისები
“გუმბათი” ადგილობრივ მოსახლეობას სხვადასხვა საგანმანათლებლო მომსახურებას სთავაზობს. კერძოდ:
- ერთიანი ეროვნული გამოცდებისთვის აბიტურიენტების მომზადება
- დაწყებითი კლასის მოსაწავლეებისთვის გახანგრძლივებული სწავლება
- ინგლისურის ენის კურსები
- მასწავლებელთა პროფესიული განვითარების ტრენინგები
სოციალური შედეგები
- საწარმოში დასაქმებულია 6 ადგილობრივი ქალი
- 550-მდე განხოციელებული აქტივობა / ღონისძიება, რომლებშიც ჩართული იყვნენ როგორც ქართულენოვანი, ასვე არაქართულენოვანი სკოლის მოსწავლეები
- “გუმბათის” ხელშეწყობით 15-მა მასწავლებელმა წარმატებით ჩააბარა მასწავლებეთა სასერტიფიკატო გამოცდა, ხოლო 65-მა აბიტურიენტმა - ერთიანი ეროვნული გამოცდები
- 10-მა მასწავლებელმა გაიარა საოფისე პროგრამების კურსი
- წალკის მუნიციპალიტეტის 15-მა ახალგაზრდამ მონაწილეობა მიიღო ერასმუსის საერთაშორისო გაცვლით პროგრამებში
საკონტაქტო ინფორმაცია
- მისამართი: გუმბათი, წალკა, საქართველო
- ელ. ფოსტა: gumbati2016@gmail.com / irad5753@gmail.com
- ტელ.: +995 598 56 72 61; +995 551 09 57 42
- Facebook: https://www.facebook.com/gumbatiorganisation/