დადარი
ეკოლოგიურად სუფთა, ხის ხელნაკეთი სათამაშოები, სუვენირები და დეკორატიული ნაკეთობები.
სოციალური საწარმოს შექმნის ისტორია
სოციალური საწარმო “დადარი” 2018 წელს შეიქმნა. საქმიანობის დაწყების პირველივე მომენტიდან დამფუძნებლები კარგად აცნობიერებდნენ, თუ რა მნიშვნელობის მატარებელია ბავშვის განვითარებისთვის უსაფრთხო და შემეცნებითი სათამაშოების ქონა. შედეგად “დადარმა” დაიწყო ისეთი სათამაშოების შექმნა, რომელიც ბავშვებს ეხმარება წარმოსახვისა და შემოქმედებითი უნარების განვითარებაში, სამყაროს შემეცნებასა და უბრალოდ, დროის სახალისოდ გატარებაში. ამასთანავე, “დადარი” წარმოადგენს შრომითი ინტეგრაციის სოციალურ საწარმოს, სადაც დასაქმებულები არიან სპეციალური საჭიროების მქონე ადამიანები.
დღესდღეობით, “დადარი” ნიშნავს ერთობლივ საქმიანობაში ჩართულ ძლიერ, შემოქმედებით და ერთიან გუნდს, რომელიც ქმნის ბავშვებისათვის მნიშვნელოვან და მაღალხარისხიან პროდუქტს – ხის სათამაშოებსა და ნაკეთობებს.
სოციალური საწარმოს მისია და მიზნები
“დადარის” მისიააშეზღუდული შესაძლებლობების მქონე პირთა სოციალიზაციისა და დასაქმების ხელშეწყობა მთელი ქვეყნის მასშტაბით, რაც მხარდამჭერი იქნება თანასწორუფლებიანი და სამართლიანი საზოგადოების ჩამოყალიბების პროცესში.
სოციალური საწარმოს მიზნებია:
- სამიზნე ჯგუფების გაძლიერება, რათა უზრუნველყოფილ იქნას მათიეკონომიკური და სოციალური დაცულობა;
- სამიზნე ჯგუფებისათვის საარსებო სახსრების მიღების შესაძლებლობათა გაჩენა;
- სპეციალური საჭიროების მქონე პირთა ცხოვრების დონის ხარისხის ამაღლებაზე ზრუნვა.
სოციალური საწარმოს პროდუქცია/სერვისი
სოციალური საწარმო “დადარი” მომხმარებელს სთავაზობს ეკოლოგიურად სუფთა ხის სათამაშოებსა და ნაკეთობებს, რომლებიც გამოირჩევა ფასისა და ხარისხის საუკეთესო შესაბამისობით. ნაწარმის ასორტიმენტი მუდმივად განახლებადია და შეესაბამება სათამაშოების ბაზარზე არსებულ უახლეს ტენდენციებს. ჩამონათვალშია:
- მოტორიკის განმავითარებელი სათამაშოები
- სასწავლო-საგანმანათლებლო (შემეცნებითი) სათამაშოები
- კოლექციის სათამაშოები (ცხოველთა და ფრინველთა სამყარო, დინოზავრები და ა.შ.)
- ასაწყობი კუბიკები
- ფაზლები
კორპორატიულ მომხმარებლებს “დადარი” სთავაზობს:
- ექსკლუზიურ ხარისხს
- პროდუქტის პერსონალიზებას
- ბრენდირებას
- OEM (Original equipment manufacturer)
წარმოებაში გამოყენებული მასალები უვნებელია ბავშვებისთვის და შეესაბამება უსაფრთხოების საერთაშორისო სტანდარტებს (DIN EN71). დამატებით, პროდუქცია დამზადებულია ძვირფასი ხის ჯიშებისგან და დაფარულია სპეციალურად სათამაშოებისთვის განკუთვნილი ეკოლოგიურად სუფთა ცვილით, ზეთებით, ლაქითა და საღებავებით.
სოციალური შედეგები
- სპეციალური საჭიროების მქონე 10-მა პირმა გაიარა პროფესიული გადამზადება და არაფორმალური, შედეგზე ორიენტირებული სწავლების შედეგად მათ შეიძინეს პროფესიული უნარ-ჩვევები;
- პროფესიული გადამზადების შემდგომ 5 ადამიანი დასაქმდა საწარმოში;
- საწარმოში მომზადება გაიარა, ადაპტირდა და დასაქმდა 5 იძულებით გადაადგილებული პირი საქართველოს დროებით ოკუპირებული ტერიტორიებიდან;
- საწარმოში დასაქმებული ყველა პირი იღებს ადგილობრვ საბაზრო ნიხრებთან შესაბამის შრომით ანაზღაურებას;
- 2021 წლის სოციალური მეწარმეობის ფორუმზე „დადარმა“ მოიპოვა წოდება “წლის სოციალური საწარმო 2021”.
საკონტაქტო ინფორმაცია
- მისამართი:ჰუალინგი, თბილისის ზღვის პლაზა, სექტორი D2, თბილისი, საქართველო
- ელ-ფოსტა:info@dadari.ge
- ტელ.:+995 599 45 63 63
- ვებ-გვერდი:www.dadari.shop
- Facebook: www.facebook.com/dadaritoys
- Instagram: www.instagram.com/dadari.toys