კავკასიური სოჭის სანერგე

გარემოს დაცვა

კავკასიური სოჭის სანერგე

სოციალური საწარმოს შესახებ

სოციალური საწარმო „კავკასიური სოჭის სანერგე მეურნეობა“ ხელს უწყობს საქართველოში კავკასიური სოჭის განვითარებას, მის პოპულარიზაციასა და ახალგაზრდების ჩართვას ბუნების დაცვის საქმეში. საწარმო შეიქმნა ააიპ „Green Life”-ის ბაზაზე 2016 წელს და წამოწყებამ წარმატებით გაიარა პირველი ეტაპი, რომელიც კავკასიური სოჭის ცნობადობის ამაღლებასა და პოპულარიზაციას გულისხმობდა.
Green Life არის კომპანია, რომელიც თანამშრომლობს ევროპულ ორგანიზაციებთან. ის, ასევე, არის ინოვატორი საქართველოს ბაზარზე კავკასიური სოჭის ნერგების პოპულარიზაციის მხრივ. კომპანია მუშაობს, რათა საქართველოში დანერგოს სოჭის გირჩებიდან საშობაო ხის გამოყვანის მრავალწლიანი ევროპული გამოცდილება.

სოციალური საწარმოს მისია

საქართველოში უზრუნველყოს მწვანე, ჯანსაღი და სუფთა მომავალი კავკასიური სოჭის გირჩებიდან საშობაო ხის გამოყვანის ევროპული გამოცდილების დანერგვისა და მეურნეობის განვითარების გზით.

სოციალური საწარმოს პროდუქტი/სერვისი

სანერგე მეურნეობა მომხმარებელს სთავაზობს სხვადასხვა ასაკის ნერგებს, კერძოდ:

• 2 წლიანი კონტეინერში გამოყვანილი კავკასიური სოჭის ნერგები;
• 3 წლიანი კონტეინერში გამოყვანილი კავკასიური სოჭის ნერგები.

კავკასიური სოჭის ნერგები წარმატებით იყიდება ახალი წლის პერიოდში. საწარმო აქტიურად თანამშრომლობს კორპორაციულ მომხმარებლებთან საახალწლო საჩუქრების დაკვეთებზე.

სოციალური შედეგები

• საქართველოში დაინერგა ტრადიცია შობა-ახალი წლის შეხვედრა ცოცხალ ნერგთან ერთად. უკვე რამდენიმე ათასი კავკასური სოჭის ნერგი შევიდა ქართულ ოჯახებში. აღნიშნული ნერგები მოქალაქეებმა სადღესასწაულო დღეების შემდგომ გადარგეს კერძო ნაკვეთში და ტყის ტერიტორიაზე. კავკასური სოჭის ნერგები დაირგო ბორჯომის პარკში.
• სანერგემ დაიწყო კავკასიური სოჭის ნერგების გამოყვანა და ასევე ევროპული სანერგეებიდან შემოტანილი, ქართული თესლიდან გაზრდილი ნერგების ადაპტირება ქართულ კლიმატზე.
• დასაქმდა სოციალურად დაუცველი ახალგაზრდა, გადამზადდა სტუდენტთა ჯგუფები, სადაც მათ შეისწავლეს სასათბურე მეურნეობის მართვა.

საკონტაქტო ინფორმაცია

• ელ. ფოსტა: greenlifegifts@gmail.com
• TEL: +995595939922
• მისამართი: სამების საკათედრო ტაძრის კომპლექსი, თბილისი, საქართველო.