ცოდნის კაფე ჭკვიანი გემო
კულტურულ-საგანმანათლებლო სივრცე წნორში
სოციალური საწარმოს შესახებ
სოციალური საწარმო „ცოდნის კაფე“დაფუძნდა 2016 წელს ა(ა)იპ „სამოქალაქო ინიციატივის“ ფარგლებში, 2018 წელს კი ორგანიზაციამ საქმიანობა გააფართოვა და დააფუძნა სოციალური საწარმო „ჭკვიანი გემო“.
„ცოდნის კაფეს“ არის სივრცე, სადაც შესაძლებელია კულტურულ-საგანმანათლებლო და გასართობი ღონისძიებების გამართვა როგორც ახალგაზრდების, ისე ბავშვებისთვის, ხანდაზმულებისთვისა და ზრდასრულებისთვის. თავისი საქმიანობით „ცოდნის კაფე“ ხელს უწყობს ახალგაზრდებისა და ხანდაზმულების საზოგადოებრივ ცხოვრებაში ჩართულობის ზრდას.
„ცოდნის კაფე“ აერთიანებს შემდეგ სივრცეებს - კაფეს, არაფორმალური განათლების ცენტრს, მულტიმედია ბიბლიოთეკას, საქართველოში ერთ-ერთ ყველაზე დიდ ინგლისურენოვან ბიბლიოთეკას, სამუშაო სივრცეს, რეზიდენციასა და წიგნის მაღაზიას.
სოციალური საწარმოს მისია
რეგიონში კულტურულ-საგანამანათლებლო სივრცის არსებობა, სადაც მომხმარებელს შესაძლებლობა ექნება დააგემოვნოს თანამედროვე და ტრადიციული კერძები. გამომუშავებული მოგებით საწარმო აფინანსებს ახალგაზრდებისა და პენსინერების სოციალურ აქტივობებს.
სოციალური საწარმოს პროდუქცია/სერვისი
სოციალური საწარმო აერთიანებს ყველა დეფიციტურ სივრცეს მუნიციპალიტეტში:
- ქართულენოვან მულტიმედია ბიბლიოთეკას 1000-ზე მეტი თანამედოვე წიგნითა და კომპიუტერებით;
- ინგლისურენოვან ბიბლიოთეკას;
- წიგნის მაღაზიას 10-ზე მეტი გამომცემლობის წიგნებით და დემოკრატიული ფასებით;
- არაფორმალური განათლების ცენტრს, სადაც იმართება სამუშაო შეხვედრები, დისკუსიები, კონოჩვენებები და სხვა აქტივობები;
- წარმოადგენს სოციალურ კაფეს მრავალფეროვანი მენიუთი
სოციალური შედეგები
- „ცოდნის კაფე“ გახდა ერთადერთი თავისუფალი სივრცე სიღნაღის მუნიციპალიტეტში შეხვედრებისთვის, ლიტერატურული საღამოებისთვის, დისკუსიების, კინოჩვენებების, ტრეინინგებისა და ვორქშოფებისთვის;
- სოციალურმა საწარმომ ბოლო 1 წლის განმავლობაში 134 კულტურულ-საგანმანათლებლო აქტივობას უმასპინძლა, მათ შორის 2674 ბავშვს, ახალგაზრდას, ზრდასრულსა და ხანდაზმულს;
- „ცოდნის კაფეში“ 40-ზე მეტი ადამიანი უფასოდ სწავლობს ინგლისურ ენას. ამერიკელი მოხალისე ბავშვების, მოზარდების და ზრდასრულების სამ ჯგუფს აწვდის უფასო განათლებას;
- „ცოდნის კაფემ“ 20-ზე მეტ აქტიურ ახალგაზრდულ ჯგუფს საქართველოს სხვადასხვა რეგიონში მისცა მოტივაცია დაეწყოთ ცოდნის კაფეს მსგავსი სივრცეების შექმნა;
- „ცოდნის კაფეს“ სივრცით სარგებლობა შეხვედრებისთვის ნებისმიერ ადგილობრივს უსასყიდლოდ შეუძლია;
- "ჭკვიან გემოში" დასაქმებულია 2 პირი.
საკონტაქტო ინფორმაცია
- ელ. ფოსტა: civicinit@gmail.com
- TEL: +995595964656
- მისამართი: დავით აღმაშენებელის ქუჩა III შესახვევი N3, წნორი, საქართველო
- Facebook: https://www.facebook.com/tsodniscafe/
- Web: www.codnebi.ge