2019 წლის 21 ნოემბერს სოციალურ საწარმოთა ალიანსის ორგანიზებით გაიმართება "ფორუმი 2019".
ფორუმის ფარგლებში ცხადდება რეგისტრაცია ნომინაციაზე "წლის სოციალური საწარმო 2019".
მონაწილეობა:
კონკურსში მონაწილეობის მიღება შეუძლია საქართველოში მოქმედ სოციალურ საწარმოებს, რომლებიც საქმიანობის 1 წლიან წარმატებულ და უწყვეტ გამოცდილებას ფლობენ.
2017-2018 წელს, "წლის სოციალურ საწარმოს" ნომინაციაში გამარჯვებულ სოციალურ საწარმოს მიმდინარე კონკურსზე არ შეუძლია საწარმოს ნომინირება.
ნომინირება:
საწარმოს ნომინირება შეუძლია:
- სოციალური საწარმოს მენეჯმენტის (მმართველი ორგანოს) წარმომადგენელს;
- სოციალურ საწარმოში დასაქმებულ პირს;
- სოციალური მხარდამჭერს მენეჯმენტთან შეთანხმებით.
შეფასების კრიტერიუმები:
სოციალური საწარმოები ნომინაციაში "წლის სოციალური საწარმო" შეფასდებიან შემდეგი კრიტერიუმების საფუძველზე:
- ნათლად ჩამოყალიბებული მისია/ხედვა;
- სოციალური შედეგები და საზოგადოებისთვის მოტანილი სარგებელი (გამოსახული რაოდენობრივ და ხარისხობრივ მაჩვენებლებში);
- ეკონომიკური შედეგები (საწარმოს შემოსავლების 50% მიღებული უნდა იყოს სამეწარმეო საქმიანობიდან) და საწარმოს მდგრადობა;
- სოციალური საწარმოს საქმიანობაში დაინტერესებული პირების ჩართულობა/მობილიზაცია;
- 2018 წელს საწარმოს მიერ მიღწეული მნიშვნელოვანი მიღწევები წინა წლებთან შედარებით (მაგ: გაფართოება, პროდუქციის სახეობების გამრავალფეროვნება, ახალი მნიშვნელოვანი სარეალიზაციო არხების მოძიება ან/და სხვა განსაკუთრებული მიღწევები);
- ქვეყნის მასშტაბით, სოციალური მეწარმეობის განვითარების ხელშემწყობ ღონისძიებებში აქტიური ჩართულობა;
- ათვისებული ციფრული საშუალებები სოციალური საწარმოს საქმიანობის შედეგების დემონსტრირებისთვის;
- ინოვაციურობა და კრეატიულობა;
გამარჯვებულების გამოვლენა:
- 1-ელ ეტაპზე, ნომინაციაში გამარჯვების მსურველმა სოციალურმა საწარმოებმა უნდა შეავსონ განაცხადის ფორმა;
- შემოსულ განაცხადებს ჟიური შეაფასებს წინასწარ განსაზღვრული კრიტერიუმების მიხედვით და შეარჩევს 3 სოციალურ საწარმოს;
- შერჩეული აპლიკანტები გააკეთებენ პრეზენტაციებს ფორუმის მიმდინარეობისას. გამარჯვებულს გამოავლენენ ფორუმის მონაწილეები დახურული კენჭისყრის მეშვეობით.
სოციალური მეწარმეობის ფორუმის მთავარ პარტნიორი, საქართველოს ბანკი, ნომინაციაში გამარჯვებულ საწარმოს გადასცემს წამახალისებელ თანხობრივ დაფინანსებას - 4000 ლარს.
ვადები:
განაცხადების შემოტანა გრძელდება 2019 წლის 10 ნოემბრის 18:00 საათამდე.
განაცხადების მიღება წარმოებს ელექტრონულად ბმულზე:
გთხოვთ გაითვალისწინოთ რამდენიმე ფაქტორი:
- ერთ სოციალურ საწარმოს მხოლოდ ერთხელ შეუძლია დარეგისტრირება (იმ შემთხვევაში თუ ერთსა და იმავე სოციალურ საწარმოზე რამდენიმე აპლიკაცია იქნება შემოსული, განიხილება პირველი მათგანი);
- აპლიკაციის შევსების შემდგომ შეუძლებელია ტექსტის რედაქტირება;
- იმ შემთხვევაში, თუ საწარმოს ნომინირებას ახდენს მეგობარი პირი, ეს წინასწარ უნდა იყოს შეთანხმებული სოციალური საწარმოს მენეჯმენტთან.
"სოციალური მეწარმეობის ფორუმის" დღის წესრიგი შეგიძლიათ იხილოთ(დააწკაპე აქ)