საქართველოს სტრატეგიული კვლევებისა და განვითარების ცენტრი #CSRDG მოქმედ სოციალურ საწარმოებს იწვევს მონაწილეობის მისაღებად საერთაშორისო ტრენინგში თემაზე „გაყიდვები და მარკეტინგი სოციალური საწარმოებისთვის“.

ეს არის უნიკალური შესაძლებლობა ქართველი სოციალური მეწარმეებისთვის, გაიზიარონ სოციალური მეწარმეობის სფეროში მოღვაწე ერთ-ერთი ყველაზე ცნობილი და წარმატებული ორგანიზაციის #NESsT-ის საერთაშორისო ექსპერტის გამოცდილება.

საერთაშორისო ტრენინგი მიზნად ისახავს სოციალური მეწარმეების ცოდნისა და უნარების გაუმჯობესებას პროდუქციის განვითარების, მარკეტინგული კვლევის, გაყიდვებისა და კომუნიკაციის მიმართულებით.

საერთაშორისო ტრენინგს გაუძღვებიან Lukas Kvokachka – სოციალური სერვისების მიმწოდებელი ცენტრის ხელმძღვანელი პრეშოვში (სლოვაკეთი) და Zsuzsanna Laczko - ექსპერტი, კონსულტანტი, ტრენერი და ბიზნეს მენტორი მცირე საწარმოების განვითარების მიმართულებით NESsT-ში, ბუდაპეშტის ოფისში.

საერთაშორისო ტრენინგის თემატიკა:

სწორი პროდუქციისა და სერვისის განვითარება, აზროვნების დიზაინი: შთაგონების მნიშვნელობა, იდეის დაბადება, განხორციელება და წარმატება;

საჭირო ინფორმაციის მოგროვების ინსტრუმენტები და პრაქტიკა „სწორი“  პროდუქტის განვითარებისთვის;

მარკეტინგულ კვლევაზე დაფუძნებული მარკეტინგული სტრატეგიის შემუშავება;

გაყიდვების სტრატეგია პირველივე წუთიდან;

ეფექტური კომუნიკაციის სავარჯიშო: ბიზნეს მოდელის მოკლე პრეზენტაცია პოტენციურ მომხმარებლებთან.

საერთაშორისო ტრენინგის ჩატარების თარიღი: 14 და 15 მაისი, 2019 წელი; 10:00 – 18:00 საათი; ვებინარზე დარეგისტრირება შეგიძლიათ 9 მაისის 18:00 საათამდე.

რეგისტრაციის გასავლელად მიჰყევით ბმულს (დააჭირეთ აქ).