სოციალურ საწარმოთა ალიანსი (SEA) და სამოქალაქო საზოგადოების ინსტიტუტი (CSI), არასამეწარმეო სამართლის საერთაშორისო ცენტრის (ICNL) მიერ დაფინანსებული პროექტის "სოციალური მეწარმეობის ინიციატივა საქართველოში" ფარგლებში 8 მაისს ჩაატარა ვებინარი თემაზე: "სოციალური მეწარმეობა და შესაძლებლობა ანტიკრიზისული გეგმის ფარგლებში".
შეხვედრას ესწრებოდა საქართველოში მოქმედი 21 სოციალური საწარმოს წარმომადგენელი.
შეხვედრის ფარგლებში CSI-ის იურისტების ჯგუფმა ისაუბრა საქართველოს მთავრობის მიერ გამოქვეყნებული ანტიკრიზისული გეგმის მნიშვნელოვანი საკითხებზე:
- კომპენსაციების მიღების პროცედურა;
- საგადასახადო და ფინანსური აღრიცხვის საკითხები;
- დაშვებული ეკონომიკური საქმიანობები.
ასევე, კითხვა-პასუხის რეჯიმში, სოციალურმა მეწარმეებმა მიიღეს ამომწურავი პასუხები მათთვის საინტერესო თემებზე, რომლებიც ეხებოდა ანტიკრიზისული გეგმით გათვალისწინებულ პროცედურულ საკითხებს.