"ევროკავშირი ახალგაზრდებისთვის" (EU4YOUTH) პროექტის "სოციალური მეწარმეობა საქართველოსა და სომხეთში" ფარგლებში, საერთაშორისო არასამთავრობო ორგანიზაცია "მერსი ქორფსი" და მისი პარტნიორი საქართველოს ბიზნეს საკონსულტაციო ორგანიზაციების ასოციაცია ("ეიბისიო-ჯორჯია") იწყებენ სოციალური მეწარმეობის განვითარებას ფინანსური მხარდაჭერის გზით.
პროექტის მიზანია, 18-29 წლის ახალგაზრდების სამეწარმეო პოტენციალის გაძლიერება სოციალური მეწარმეობის სფეროში, უთანასწორებოს შემცირება მათი გაერთიანების, დასაქმების და ჩართულობის უზრუნველყოფის მეშვეობით.
საქართველოში პროექტი ხორციელდება კახეთის, ქვემო ქართლისა და სამცხე-ჯავახეთის რეგიონებში.
კონკურსში მონაწილეობა შეუძლიათ:
- იურიდიულ პირს, რომელიც ფუნქციონირებს, როგორც სოციალური საწარმო, ან აქვთ სურვილი იმუშაონ სოციალური მეწარმეობის მიმართულებით, კახეთის, ქვემო ქართლის და სამცხე-ჯავახეთის რეგიონებში;
- ფიზიკურ პირს, ან საინიციატივო ჯგუფს, რომელიც დარეგისტრირდება იურიდიულ პირად და სოციალურ მეწარმეობას განახორციელებს კახეთის, ქვემო ქართლისა და სამცხე-ჯავახეთის რეგიონებში.
კონკურსში მონაწილე, უნდა აკმაყოფილებდეს ქვემოთ ჩამოთვლილი პირობებიდან მინიმუმ ერთ-ერთს:
- საწარმოს მენეჯმენტს ახორციელებდნენ ახალგაზრდები;
- საწარმოს დასაქმებულთა უმეტესობა არიან ახალგაზრდები;
- საწარმოს სოციალური მისია მიმართულია ახალგაზრდების პრობლემების მოგვარებაზე.
პროექტის ბიუჯეტი არ უნდა აღემატებოდეს 60,000 ევროს ექვივალენტს ლარში. საიდანაც კონკურსის მონაწილეს მოეთხოება მინიმუმ 35% თანხობრივი მონაწილეობა.
შემოთავაზებული პროექტის ბიუჯეტი და აქტივობები უნდა იყოს გათვლილი 2022 წლის 1 ივნისამდე.
განაცხადების მიღების ბოლო ვადაა 2020 წლის 10 ნოემბერი.
დამატებითი ინფორმაცია და სააპლიკაციო ფორმები შეგიძლიათ იხილოთ ბმულზე: