მეგობარი
სერვისები
მეგობარი
საერთო სამუშაო სივრცე და კაფე-ბარი ზუგდიდში
სოციალური საწარმოს შესახებ
2017 წელს, ა(ა)იპ „ახალგაზრდები სამეგრელოს განვითარებისთვის“ ინიციატივით, ქ.ზუგდიდში შეიქმნა სოციალური საწარმო - „მეგობარი“.
„მეგობარი“აერთიანებს უსასყიდლო სამუშაო სივრცეს ახალგაზრდებისთვის, სადაც ეწყობა ტრენინგები, კონფერენციები, სამუშაო შეხვედრები და კაფე-ბარს, საიდან მიღებული შემოსავლითაც ახალგაზრდების იდეებს უჭერს მხარს.
ეს არის ადგილი, სადაც რეგიონის ახალგაზრდები იკრიბებიან, იდეებს ცვლიან, ღონისძიებებს გეგმავენ ან/და მართავენ.
სოციალური საწარმოს მისია
სამეგრელოს რეგიონში მცხოვრები ახალგაზრდებისთვის საერთო სამუშაო სივრცის შექმნა, რომელიც მათ აძლევს შესაძლებლობას გამოიყენონ სივრცე სამუშაო შეხვედრებისთვის, ტრენინგებისთვის, კონფერენციებისთვის, გამოფენებისთვის და ისარგებლონ საოფისე ტექნიკის მომსახურებით.
სოციალური საწარმოს პროდუქცია/სერვისი
„მეგობარის“ სივრცე მრავალფეროვან მომსახურებას სთვაზობს მომხმარებელს, კერძოდ:
- საერთო სამუშაო სივრცე ახალგაზრდებისთვის;
- სივრცის გაქირავება საჯარო შეხვედრებისა და ღონისძიებებისთვის;
- კაფე-ბარის მომსახურება;
საღამოს სივრცე ფუნქციონირებს, როგორც კაფე-ბარი და რეგიონის ახალგაზრდებს სთავაზობს სხვადასხვა სახის ღონისძიებებს: მუსიკალურ საღამოებს, კინოჩვენებებს, სპორტული თამაშების ტრანსლაციებს და ა.შ.
სოციალური შედეგები
- „მეგობარი“ წარმოადგენს მომსახურების მიმწოდებელ სოციალურ საწარმოს სამეგრელოს რეგიონში მცხოვრები ახალგაზრდებისთვის, მათ შორის სოციალურად დაუცველი, დევნილი, ოკუპირებული ტერიტორიების მიმდებარედ დასახლებულ პუნქტებში მცხოვრები პირებისთვის, რომლებიც გადამზადდნენ და დასაქმდნენ სოციალურ საწარმოში.
- პირველად ზუგდიდში ფუნქციონირებს კულტურულ/გასართობი და საგანმანათლებლო სივრცე, სადაც სამეგრელოს რეგიონში მცხოვრები ახალგაზრდების ჩართულობით არაერთი ღონისძიება განხორციელდა.
- სოციალური საწარმოს მიერ მიღებული შემოსავლებით ფინანსდება ახალგაზრდული იდეები და ინიციატივები.
საკონტაქტო ინფორმაცია
- ელ. ფოსტა: youthforsamegrelo@gmail.com
- TEL: +995599550057
- მისამართი: მეუნარგიას 12, ზუდგიგი, საქართველო.
- Facebook: https://bit.ly/3gwGEOA